TOSHKENT, 5-dekabr. /“Dunyo” AA/. O‘zbekiston tashqi ishlar vaziri Baxtiyor Saidov kecha Venada Gruziya tashqi ishlar vaziri Maka Botchorishvili bilan uchrashdi, deb xabar bermoqda “Dunyo” AA muxbiri.

“Gruziya tashqi ishlar vaziri Maka Botchorishvili xonim bilan samarali uchrashuv o‘tkazdik, – deb yozdi O‘zbekiston TIV rahbari o‘zining telegram-kanalida. – Mamlakatlarimiz o‘rtasidagi iliq va do‘stona munosabatlarni yana bir bor tasdiqlab, siyosiy, iqtisodiy, madaniy va mintaqaviy yo‘nalishlarda hamkorlikni yanada rivojlantirish imkoniyatlarini muhokama qildik.

Muloqotimiz davomida dolzarb global jarayonlar haqida fikr almashdik. Mintaqamizda barqarorlik, muloqot va hamkorlikni mustahkamlashning ahamiyatini alohida taʼkidlab o‘tdik”.