TOSHKENT, 5-dekabr. /“Dunyo” AA/. O‘zbekiston tashqi ishlar vaziri Baxtiyor Saidov Vena shahrida bo‘lib o‘tgan Yevropada xavfsizlik va hamkorlik tashkiloti vazirlar kengashining 32-yig‘ilishi doirasida qator uchrashuvlar o‘tkazdi, deb xabar bermoqda “Dunyo” AA muxbiri.

“YXHT Vazirlar kengashining 32-yig‘ilishi hamkasblarimiz bilan ikki tomonlama masalalardan tortib, mintaqaviy va global jarayonlargacha bo‘lgan turli mavzularda fikr almashish uchun samarali maydon vazifasini o‘tadi, deb yozdi O‘zbekiston tashqi ishlar vaziri o‘zining telegram-kanalida. – Muhokamalarimiz, ayniqsa, global keskinlik va geosiyosiy bo‘linish kuchayib borayotgan bir paytda, ochiq muloqot yo‘llarini saqlab qolish muhimligini yana bir bor ko‘rsatdi.

Hamkorlarimiz bilan samarali fikr almashish natijasida yondashuvlarni taqqoslash, ustuvor yo‘nalishlarni kelishib olish hamda xavfsizlik, o‘zaro bog‘liqlik, barqaror rivojlanish va boshqa sohalarda birgalikda harakat qilish uchun yangi istiqbollarni o‘rganish imkoniyatiga ega bo‘ldik”.