БУДАПЕШТ, 27 август. /"Дунё" АА/. "OTP Bank" бош директори ўринбосари Ласло Вольф "Дунё" АА учун интервьюсида Ўзбекистон давлат мустақиллигининг 34 йиллиги муносабати билан мамлакатимиз халқига ўзининг байрам қутловларини йўллади:

– 1 сентябрь – Ўзбекистон мустақиллиги куни билан мамлакат раҳбарияти ва унинг халқини ушбу муҳим воқеа билан чин қалбимдан табриклайман. Биз учун меҳнат қилиш ва Ўзбекистон иқтисодий ҳаётининг фаол иштирокчиси бўлиш катта шарафдир.

Президент Шавкат Мирзиёев Жаноби Олийлари ва мамлакат ҳукумати раҳнамолигида амалга оширилаётган кенг кўламли ислоҳотларни юксак қадрлаймиз. Бу ўзгаришлар аллақачон ўзининг сезиларли натижаларини бермоқда. Иқтисодиёт жадал ўсишни намойиш этмоқда, капитал қўйилмалар мамлакатга фаол кириб келмоқда, бу эса, албатта, унинг ривожланишини мустаҳкамлайди.

"OTP Bank" кўплаб истиқболли лойиҳаларни молиялаштиришда иштирок этиб, хорижий инвесторлар билан яқиндан ҳамкорлик қилади.

Ишончимиз комилки, улар келажакда барқарор иқтисодий ўсишга ҳисса қўшади ва мамлакатга катта фойда келтиради.

Мамнуният билан айтишим мумкин, биз Ўзбекистонга сармоя киритиш қароримиздан мамнунмиз. Жаҳон ҳамжамияти ҳам ислоҳотларнинг эришилган натижаларини юксак баҳолаб, мамлакатнинг тўғри йўналишдаги илғор ҳаракатини эътироф этаётганини кўриб турибмиз.