ТОШКЕНТ, 12 май. /"Дунё" АА/. Шу йилнинг 13-15 май кунлари Тошкент шаҳридаги "CAEx Uzbekistan"да мамлакат ёқилғи-энергетика комплексининг асосий конгресс ва кўргазма тадбири – Ўзбекистон энергетика ҳафталиги ("UEW-2025") бўлиб ўтади, деб хабар қилмоқда "Дунё" АА мухбири.

Тадбирлар "Iteca Exhibitions" компанияси ва унинг "ICA Eurasia Group" ва Congresses of Central Asia – CCА" каби шериклари ташкилотчилигида Ўзбекистон Энергетика вазирлиги ва "Ўзбекнефтгаз" АЖ, Ўзбекистон Олий Мажлиси Қонунчилик палатасининг Тадбиркорлик, рақобатни ривожлантириш ва саноат масалалари қўмитаси, Инвестициялар, саноат ва савдо вазирлиги ҳамда Ўзбекистон Савдо-саноат палатаси кўмагида ташкил этилмоқда.

Ҳафталик "Ўзбекистон нефт ва гази – "OGU-2025" 27-йиллик юбилей халқаро кўргазма ва конференцияси, "Энергия, энергия тежаш, ядровий муқобил энергия манбалари – "Power Uzbekistan - 2025" 18-халқаро кўргазмаси, "Яшил энергия тежовчи технологиялар – GETCA 2025" ихтисослаштирилган бўлими, 5-Халқаро энергетика конференцияси, "G2B" ва "В2В" учрашувлари, кўргазма майдонларида тақдимот сессиялар ва "Youth Energy Congress" ёшлар энергетика конгресси шиори остидаги бир қатор тадбирларни ўз ичига олади.

Кўргазма ва конференциялар бозорнинг барча иштирокчилари, шунингдек, давлат органлари ва Ўзбекистон ишбилармон доиралари вакиллари ўртасида самарали мулоқотлар учун муҳим майдони бўлиб хизмат қилади.

Уч кун давомида ёқилғи-энергетика саноатининг барча йўналишларидаги етакчи етакчи компаниялар бир майдонда йиғилиб, соҳанинг барча йўналишларидаги технологик ютуқларни намойиш этадилар.

Айни пайтда 32 давлатдан 90 та спикер ва 1420 делегат, 420 компания ва брендлар Энергия ҳафталигида иштирок этишини тасдиқлади. Улар орасида Австрия, Озарбайжон, Беларус Республикаси, Буюк Британия, Германия, Грузия, Дания, Ҳиндистон, Эрон, Италия, Қозоғистон, Хитой, Корея Республикаси, Қирғизистон, Литва, Малайзия, Нидерландия, Монако, Қирғизистон, Литва, Руминия, Саудия Арабистони, Сингапур, Словакия, АҚШ, Тожикистон, Туркманистон, Туркия, Ўзбекистон, Франция, Япония бор. Шунингдек, Германия ва Туркия компанияларининг миллий ҳамда Беларусь, Италия, Хитой, Корея Республикаси, Россия компанияларининг жамоавий иштироки режалаштирилган.

"Энергия ҳафталиги-2025" Ўзбекистон энергетика бозорига хорижий сармоядорлар ва технология компанияларининг доимий қизиқишини намойиш этади. Барқарор технологияларга эътибор кучайган ҳолда, тадбир Марказий Осиёдаги асосий энергия платформаси сифатидаги мавқеини мустаҳкамлашда давом этмоқда.