КИEВ, 16 июль. /“Дунё” АА/. Бугун Украина Олий Радаси (парламенти) “Нафтогаз Украини” давлат энергетика компанияси бошқаруви раиси Сергей Корецкийни мамлакатнинг янги бош вазири этиб тайинлади, деб хабар бермақда “Дунё” АА мухбири.

Тегишли қарорни 289 нафар депутат маъқуллади, бу зарур бўлган минимал 226 та овоздан кўпдир, деб хабар қилди парламент аъзоси Ярослав Железняк ўзининг telegram-каналида.

Сергей Корецкий парламентда сўзга чиқиб, янги Вазирлар Маҳкамаси мудофаа, иқтисодий ривожланиш ва Европа интеграцияси ҳукумати бўлишини исташини айтди. Шунингдек, у Украинада келаётган қиш олдингисидан кўра қийинроқ кечиши мумкинлигини маълум қилди.

Сергей Корецкий 48 ёшда. У Луцк шаҳрида (Волин вилояти) туғилган ва шу ерда Давлат техника университетида таҳсил олган. 2007 йилда “Континуум” гуруҳи бош директори бўлиб, уни 2013 йилгача бошқарган. Ўша пайтда ушбу холдинг таркибига бутун Украина бўйлаб 200 дан ортиқ турли компаниялар кирган.

Кейинчалик у Украинанинг энг йирик нефть ва газ қазиб олувчи “Укрнафта” ҳамда мамлакатдаги энг йирик нефтни қайта ишлаш корхонаси “Укртатнафта”га директорлик қилган. Сергей Корецкий 2025 йил май ойидан бошлаб ушбу лавозим учун ўтказилган танловда ғолиб чиқиб, “Нафтогаз Украини” бошқаруви раиси бўлди.