ТОШКEНТ, 9 июль. /"Дунё" АА/. Ўзбекистоннинг доимий аҳолиси 38 миллион кишига яқинлашди, деб хабар қилмоқда "Дунё" АА мухбири.

Статистика қўмитаси маълумотига кўра, 2025 йил 1 июль ҳолатига Ўзбекистонда доимий аҳолиси 37 859 698 кишини ташкил этмоқда.

Бу кўрсаткич 2024 йилнинг мос даврига нисбатан 2 фоизга ошган.

Шундан 18,8 миллион нафари аёллар, 19,1 миллион нафари эса эркаклардир. Мамлакатимиз аҳолисининг 19,3 миллион нафари шаҳар жойларда истиқомат қилса, 18,6 миллион нафари қишлоқларда яшайди.

Cтатистика қўмитаси сайтидан олинган сурат