МОСКВА, 20 сентябрь. /“Дунё” АА/. Бугун Россияда 18 сентябрь куни бошланган Давлат думаси (парламент) депутатлари сайловининг сўнгги куни бўлиб ўтмоқда, деб хабар бермоқда “Дунё” АА мухбири “РИА Новости”га таяниб.

Федерал бюллетенга 10 та партия киритилган: “Ягона Россия”, ЛДПР, “Тўғридан-тўғри демократия партияси”, “Яшиллар”, “Адолатли Россия”, “Ватан”, КПРФ, “Пенсионерлар партияси”, “Россия коммунистлари” ва “Янги одамлар”.

Ягона овоз бериш куни доирасида жами турли даражадаги 2,2 мингдан ортиқ сайлов кампаниялари ўтказилмоқда. Россияликлар 20,7 мингга яқин депутат ва маъмурият раҳбарларини сайламоқда.

Россияда 111 миллиондан ортиқ фуқаро овоз бериш ҳуқуқига эга. Хориждаги 152 та давлатда 333 та сайлов участкаси очилган, жумладан, Ўзбекистонда ҳам.

Сайлов участкаларида овоз бериш маҳаллий вақт билан соат 20:00 да якунланади.

“РИА Новости” сурати