ТОШКЕНТ, 26 март. /"Дунё" АА/. Ўзбекистон ташқи ишлар вазири Бахтиёр Саидов кеча "Катта еттилик" мамлакатларининг элчилари билан учрашув ўтказди, деб хабар бермоқда "Дунё" АА мухбири

"Катта еттилик" мамлакатларининг элчилари – Жонатан Хеник жаноблари (АҚШ), Тимоти Смарт жаноблари (Буюк Британия), Орелия Бушез хоним (Франция), Тило Клиннер жаноблари (Германия), Агостино Пинна жаноблари (Италия), Алан Хемсон жаноблари (Канада), Такаши Хатори жаноблари (Япония) ҳамда Шарлотта Адриан хоним (Европа Иттифоқи) билан учрашдик, — деб ёзди Ўзбекистон ТИВ раҳбари ўзининг telegram каналида. — Савдо тўсиқларини бартараф этиш, янги ишлаб чиқариш ва таъминот занжирларини яратиш, кооперация лойиҳаларига инвестиция жалб этиш ва бошқа масалалар юзасидан умумий саъй-ҳаракатларимизни бирлаштириш муҳим аҳамиятга эга".