ТОШКЕНТ, 19 февраль. /«Дунё» АА/. Ўзбекистон ташқи ишлар вазирининг биринчи ўринбосари Баҳромжон Аълоев бугун Покистон элчиси Аҳмад Фарук билан учрашди, деб хабар бермоқда «Дунё» АА мухбири.

Мулоқот давомида Ўзбекистон–Покистон стратегик шериклигини янада ривожлантириш, кўп қиррали ҳамкорликни, биринчи навбатда, савдо-иқтисодий, инвестициявий ва транспорт-коммуникация соҳаларида ривожлантириш истиқболлари кўриб чиқилди.

Икки томонлама ва кўп томонлама шаклдаги бўлажак тадбирлар жадвали ва ташкилий жиҳатлари муҳокама қилинди.