ТОШКЕНТ, 27 март. /"Дунё" АА/. Ўзбекистон ташқи ишлар вазири Бахтиёр Саидов кеча мамлакатимиздаги дипломатик миссиясини якунлаётган Ҳиндистон элчиси Маниш Прабхатни қабул қилди, деб хабар қилмоқда "Дунё" АА мухбири.

"Ҳиндистоннинг мамлакатимиздаги Элчихонаси раҳбари сифатида дипломатик миссиясини якунлаётган Маниш Прабхат жаноблари билан учрашдик, – деб ёзди Ўзбекистон ТИВ раҳбари ўзининг telegram-каналида. – Биз Элчи жанобларининг фаолияти давомида Ўзбекистон ва Ҳиндистон ўртасида стратегик шерикликни бойитиш борасидаги саъй-ҳаракатларини юқори баҳолаймиз ва келгуси ишларида муваффақиятлар тилаймиз".

Эслатиб ўтамиз, Маниш Прабхат 2020 йил 16 октябрда ўзининг ишонч ёрлиқларини Ўзбекистон Президенти Шавкат Мирзиёевга топширган эди.

"Дунё" АА олган сурат