ТИВда Сув ресурсларини бошқариш халқаро институти бош директори билан учрашув бўлиб ўтди
Май 21, 2026. 20:25 • 2 дақ
• 100
ТОШКЕНТ, 21 май. /“Дунё” АА/. Ўзбекистон ташқи ишлар вазирининг биринчи ўринбосари Баҳромжон Аълоев Сув ресурсларини бошқариш халқаро институти бош директори Марк Смит билан учрашди, деб хабар бермоқда “Дунё” АА мухбири.
ТИВ хабарига кўра, музокаралар чоғида томонлар ҳамкорликнинг устувор йўналишларини, жумладан, сув ресурсларини самарали бошқариш, ирригация соҳасини ривожлантириш ва қишлоқ хўжалигига инновацион технологияларни жорий этиш бўйича лойиҳаларни биргаликда амалга ошириш масалаларини муҳокама қилди.
Ўзбекистон ва Сув ресурсларини бошқариш халқаро институти ўртасидаги амалий ҳамкорликни янада кенгайтириш, қўшма илмий-тадқиқот ва таълим дастурларини амалга ошириш, шунингдек, Ўзбекистон ва Марказий Осиёда сув хавфсизлиги ва барқарор тараққиётни таъминлашга қаратилган ташаббусларни илгари суришга алоҳида эътибор қаратилди.
“Дунё” АА сурати
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон ва Австралия етакчи компаниялари қўшма лойиҳаларни кенгайтиришдан манфаатдор
