ТОШКЕНТ, 4 январь. /«Дунё» АА/. Ўзбекистон ташқи ишлар вазирининг ўринбосари Раҳматулла Нуримбетов кеча Озарбайжон элчиси Гусейн Гулиев билан учрашув ўтказди, деб хабар бермоқда «Дунё» АА мухбири.

ТИВ маълумотига кўра, томонлар Ўзбекистон-Озарбайжон стратегик шериклик муносабатларини ривожлантириш бўйича 2023 йил якунларини мамнуният билан қайд этиб, 2024 йилга мўлжалланган икки ва кўп томонлама шаклдаги қўшма тадбирлар жадвалини кўриб чиқдилар.

Учрашувда халқаро ва минтақавий ташкилотлар доирасидаги ҳамкорликнинг муҳим жиҳатлари юзасидан ҳам фикр алмашилди.

«Дунё» АА олган сурат