ВАРШАВА, 19 июнь. /"Дунё АА/. Польшанинг "WNP" электрон порталида "Ўзбекистон Хорижий инвестицияларни жалб этиш агентлиги раҳбари: Польша Ўзбекистон учун Европага дарвоза" сарлавҳали мақола эълон қилинди, деб хабар беряпти "Дунё" АА мухбири.

Нашрда Ўзбекистон Хорижий инвестицияларни жалб этиш агентлиги раҳбари Мансуржон Расулевнинг тўртинчи Тошкент халқаро инвестиция форумидаги нутқидан иқтибослар келтирилган. "У, ўз маърузасида Польша Ўзбекистон учун асосий хорижий ҳамкор эканини таъкидлаб, мамлакат "Европа бозорига кириш дарвозаси" эканини таъкидлади", – деб ёзилган мақолада.

Қайд этилишича, Ўзбекистон польшалик сармоядорларга халқаро бозорда янада юқори рақобатбардошликни таъминлайдиган ажойиб ривожланиш имкониятларини таклиф қилиши мумкинлиги қайд этилган.

 "Ўзбекистонда жуда арзон энергия ва қулай ишчи кучи, шунингдек, улкан табиий ресурслар, жумладан, янги технологияларни ривожлантириш учун зарур бўлган муҳим хом ашё мавжуд", – дея Мансуржон Расулев сўзларидан иқтибос келтиради портал.

Мақолада Польшанинг косметика, енгил саноат, қишлоқ хўжалиги каби соҳаларидаги компанияларнинг Ўзбекистон бозорига қизиқиши ортиб бораётгани урғуланган.  Ўзбекистон Хорижий инвестицияларни жалб этиш агентлиги раҳбарига кўра, Польша корхоналарининг Ўзбекистон қишлоқ хўжалиги иқтисодиётини, шунингдек, Европа Иттифоқи бозорларига экспорт қилиш мақсадида озиқ-овқат саноатини модернизация қилишдаги иштироки эътиборга молик.

"Польша бозори, ўз навбатида, ривожланаётган Ўзбекистон IТ-хизматлари саноати учун ҳам қизиқиш уйғотмоқда. Ўзбекистон IТ-компаниялари тобора муваффақият қозонмоқда ва ўзларининг ривожланган манбалари, жумладан, Европа Иттифоқи давлатлари бозорларига, жумладан, Польша мамлакатлари таклифлари билан чиқяпти", – деб ёзилган "WNP" мақоласида.