Ўзбекистон ва Хитой ўртасидаги ҳудудлараро ҳамкорлик алоқалари кенгаймоқда
Ноябрь 14, 2024. 12:20 • 56 сония
• 258
ГУАНЧЖОУ, 14 ноябрь. /"Дунё" АА/. Ўзбекистон Бош консулхонаси ходимлари Гуанси-Чжуан автоном ҳудуди губернатори ўринбосари, ушбу ҳудуд Қишлоқ хўжалиги департаменти ва Гуанси қишлоқ хўжалиги университети раҳбарлари билан учрашувлар ўтказди, деб хабар қилмоқда "Дунё" АА мухбири.
Музокаралар давомида Хитой томони Ўзбекистон билан ҳудудлараро ҳамкорликни кенгайтиришдан манфаатдор эканини билдирди. Шунингдек, икки мамлакат делегацияларининг ўзаро алмашинувини фаоллаштириш, 2025 йил учун қўшма тадбирларни амалга ошириш режаларини ишлаб чиқишга тайёрлигини тасдиқлади.
Ўзбекистон Бош консулхонаси томонидан Гуанси-Чжуан автоном ҳудудида ўтказилган "2024 Guangxi International Agriculture Expo" кўргазмасида миллий стенд ташкил этилди.
Кўргазма доирасида Хитойнинг 15 дан ортиқ импорт билан шуғулланувчи компания ва маркетплейслар билан музокаралар ўтказилди.
Бўлиб ўтган музокаралар натижасида Ўзбекистондан қишлоқ хўжалиги маҳсулотларининг экспортини амалга ошириш бўйича келишиб олинди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
