ВАРШАВА, 11 август. /"Дунё" АА/. Ўзбекистон элчиси Амирсаид Агзамходжаев "Польша-Туркия" тадбиркорлар уюшмаси ("POTİAD") раиси Хабеш Факибаба билан музокара ўтказди, деб хабар қилмоқда "Дунё" АА мухбири.

Унда "Польша-Туркия" тадбиркорлар уюшмаси ва Ўзбекистон томони ўртасида ҳамкорлик алоқаларини йўлга қўйиш истиқболлари муҳокама қилинди.

Ўзбекистондаги сармоявий муҳит, юртимиз салоҳияти, республикамиз позициясидан фойдаланган ҳолда Марказий Осиёнинг бошқа давлатлари билан бизнес юритиш имкониятлари ҳақида сўзлаб берилди.

Учрашув якунда жорий йил сентябрь ойида биргаликда давра суҳбати ўтказиш ва мазкур уюшмага аъзо тадбиркорларнинг Ўзбекистонга бизнес-миссиясини ташкил этишга аҳдлашиб олинди.