ТОШКЕНТ, 8 ноябрь. /«Дунё» АА/. Самарқанд вилоят мусиқали драма театри жорий йилнинг 31 октябрь – 4 ноябр кунлари Шуша шаҳрида ўтказилган I Халқаро ТУРКСОЙ  театрлар фестивалида қатнашди, деб хабар бермоқда «Дунё» АА мухбири.

Маданият вазирлиги маълумотига кўра, Ўзбекистон театр жамоаси мазкур халқаро фестивалда режиссёр Асқар Холмўминов томонидан саҳналаштирилган «Лайли ва Мажнун» спектаклини намойиш этди.

Фестиваль якунларига кўра, Самарқанд вилоят мусиқали драма театрининг «Лайли ва Мажнун» спектакли «Энг яхши спектакль» номинациясида ғолибликни қўлга киритди.