Ўзбекистон ва Россия ўртасида тиббиёт соҳасида қўшма “Йўл харитаси” имзоланди
Октябрь 29, 2026. 12:00 • 2 дақ
• 89
МОСКВА, 29 октябрь. /“Дунё” АА/. Ўзбекистон ва Россия соғлиқни сақлаш вазирлари Элдор Адилов ҳамда Михаил Мурашко ўртасида учрашув бўлиб ўтди, деб хабар бермоқда “Дунё” АА мухбири “Караван Инфо” ААга таяниб.
Россия ахборот агентлигида қайд этилишича, учрашувда Ўзбекистон ва Россия ўртасида тиббий таълим, касалликларни ташхислаш ва даволаш, юқори технологияли тиббий ёрдамни ривожлантириш йўналишларида ҳамкорликни кенгайтириш бўйича фикр алмашилди.
Мулоқот давомида томонлар ҳамкорликнинг истиқболли йўналишларини белгилаб берувчи “Йўл харитаси”ни имзолади.
Мақолада ёзилишича, тиббиёт кадрларини тайёрлаш ҳамкорликнинг асосий йўналишларидан биридир. Шу мақсадда Тошкентда Н.И.Пирогов номидаги Россия миллий илмий-тадқиқот тиббиёт университетининг филиали ташкил этилмоқда.
Ҳозирда лойиҳа доирасида ўқув ва клиник база шакллантирилиб, профессор-ўқитувчилар таркиби сараланмоқда ҳамда симуляция-аккредитация маркази замонавий ускуналар билан жиҳозланмоқда.
Шунингдек, томонлар ташхислаш ва даволашнинг замонавий усулларини жорий этиш, аҳолининг юқори технологияли тиббий ёрдамдан фойдаланиш имкониятларини кенгайтириш масалаларини муҳокама қилди.
Вазирлар онкологик ва юрак-қон томир касалликларини эрта аниқлаш масалаларига алоҳида эътибор қаратди. Келишилган вазифалар қаторида Ўзбекистонда ядро тиббиётини ривожлантириш ҳам ўрин олган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
“Gesamtmasche” журнали: Ўзбекистон тўқимачилик саноати юқори қўшилган қийматли маҳсулотлар ишлаб чиқаришни кенгайтирмоқда
Туркий давлатлар олий таълим соҳасидаги ҳамкорликни янги босқичга олиб чиқмоқда
“London Post”: Самарқанд саммити болалар фаровонлиги соҳасидаги глобал устувор йўналишларни белгилаб берди
