ТОШКЕНТ, 20 апрель. /“Дунё” АА/. Шу йил 28–30 апрель кунлари пойтахтимиздаги “CAEx Uzbekistan” кўргазмалар мажмуасида “Beauty Uzbekistan – 2026” гўзаллик, косметология ва парфюмерия-косметика саноатининг ихтисослаштирилган халқаро кўргазмаси бўлиб ўтади, деб хабар бермоқда “Дунё” АА мухбири.

Beauty Uzbekistan – косметика маҳсулотлари ишлаб чиқарувчилари ва дистрибюторлари, эстетик тиббиёт мутахассислари, ритейл вакиллари, салонлар бизнеси ва профессионал парвариш хизматларини бирлаштирган профессионал B2B форматидаги кўргазмадир.

Бу ерда ташриф буюрувчилар етакчи брендлар, янги маҳсулотлар ва технологиялар билан тўғридан-тўғри танишиш имконига эга бўлади, бизнес алоқаларини ўрнатади ва гўзаллик саноатидаги асосий тенденциялар ҳақида биринчи бўлиб хабар топади.

Жорий йилда кўргазмада 12 мамлакатдан 100 дан ортиқ компания ва брендлар иштирок этиши кўзда тутилган. Жумладан, БАА, Грузия, Испания, Италия, Корея Республикаси, Озарбайжон, Польша, Қирғизистон, Россия, Хитой, Ўзбекистон ва Швеция миллий павильонларида гўзаллик саноатининг илғор ечимлари ва ушбу давлатларнинг экспорт салоҳияти намойиш этилади.

Кўргазманинг бош ҳомийси “BIOGEL” функционал биоревитализантлар брендидир.

Кўргазмага онлайн рўйхатдан ўтиш бошланди. Иштирок этиш учун кўргазма веб-сайтида рўйхатдан ўтинг: www.beautypro.uz

Кўргазманинг асосий бўлимлари:

Beauty Uzbekistan – парфюмерия ва косметика саноатининг бутун спектрини, жумладан декоратив ва шахсий парвариш косметикаси, парфюмерия, шахсий гигиена воситалари ва ҳаир-саноатини таклиф этади.

Beauty Derma Central Asia – эстетик тиббиёт, аппарат косметологияси ва анти-аге парваришга бағишланган ихтисослашган соҳа. Экспозицияда клиникалар ва мутахассислар учун инъекция техникаси, лазерлар ва кейинги авлод аппарат технологиялари каби замонавий ечимлар намойиш этилади.

Анъанага кўра, кўргазмада ихтисослаштирилган семинарлар, эксперт сессиялари ва профессионал муҳокамаларни ўз ичига олган бизнес дастур ўтказилади.

Дастурнинг алоҳида бўлимлари эстетик тиббиёт, бальнеология ва курорт саноатидаги замонавий тенденцияларга, жумладан, эстетик тиббиётга илмий ёндашувларга (CYTOLIFE/“Медтендергрупп”, Россия), бальнеологик ускуналар ва гидротерапия технологиялари соҳасидаги ечимларга (“Физиотехника”, Россия) бағишланади.

Парфюмерия ва косметика саноати мутахассислари ҳамда маиший кимё ишлаб чиқарувчилари учун Швейцариянинг “LUZI” компаниясининг хушбўй хидларга бағишланган сессия ўтказилади.

“Beauty Uzbekistan – 2026” шунчаки маҳсулотлар намойиши эмас – бу бизнес, тиббиёт, технологиялар ва гўзаллик саноатининг замонавий тенденциялари кесишадиган профессионал платформадир.

Ташкилотчилар –  “Iteca Exhibitions” халқаро кўргазмалар компанияси ва унинг ҳамкори “ICA Eurasia Group” (тегишли ҳукумат ва саноат тузилмалари кўмагида).

Кўргазмага ташриф буюриш учун www.beautypro.uz веб-сайтида рўйхатдан ўтиш лозим.

Қўшимча маълумот олиш учун:

Тел: + (998 71) 205-14-14.

Email: beautypro@iteca.uz