“TOLO news”: Ўзбекистон Мустақилликнинг 35 йиллигини кенг нишонлашга тайёргарлик кўрмоқда
Август 24, 2026. 16:00 • 2 дақ
• 11
ҚОБУЛ, 24 август. /“Дунё” АА/. Афғонистоннинг “TOLO news” телеканалида Ўзбекистон Мустақиллигининг 35 йиллигини нишонлашга тайёргарлик жараёнига бағишланган мақола эълон қилинди, деб хабар бермоқда “Дунё” АА мухбири.
Материалда 1 сентябрь куни Ўзбекистон давлат мустақиллигининг 35 йиллиги “Ягона Ватан, ягона халқ бўлиб, янги ҳаёт ва келажак яратамиз!” шиори остида кенг нишонланиши қайд этилган.
Тадбирлар дастуридан адабий-бадиий кечалар, халқ сайиллари, маданий, спорт ва гастрономик тадбирлар ўрин олиши таъкидланган.
Нашрда Ўзбекистон иқтисодиётидаги ўсиш кўрсаткичларига ҳам эътибор қаратилган. Хусусан, 2025 йилда мамлакат ялпи ички маҳсулоти 147 миллиард долларга, товарлар ва хизматлар экспорти 33,8 миллиард долларга етгани, камбағаллик даражаси эса 5,8 фоизга тушгани келтирилган.
Шунингдек, 2026 йил 1 август ҳолатига кўра, Ўзбекистоннинг олтин-валюта захиралари тарихда илк бор 64,34 миллиард доллардан ошгани қайд этилган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Бадр Маҳмуд Юсуф Салмон Ас-Сабоҳ: Ўзбекистон тобора жозибадор ва замонавий туристик марказга айланиб бормоқда
Жастин Ифу Лин: Ўзбекистон Марказий Осиёдаги энг барқарор ва жадал ривожланаётган мамлакатга айланди
Финляндияда Ўзбекистон Мустақиллигининг 35 йиллигига бағишланган маданий тадбирлар ўтказилди
