Ўзбекистон ва Россия давлат бошқаруви соҳасида ўзаро тажриба алмашди
Июнь 30, 2026. 19:50 • 2 дақ
• 60
МОСКВА, 30 июнь. /“Дунё” АА/. Ўзбекистон делегацияси вакиллари Россия Президенти ёрдамчиси билан учрашди, деб хабар бермоқда “Дунё” АА мухбири “Ритм Евразии” нашрига таяниб.
Россия Президенти Администрациясида бўлиб ўтган учрашувда Россия Президенти ёрдамчиси Дмитрий Миронов ҳамда Ўзбекистон Президентининг кадрлар бўйича маслаҳатчиси Ғофуржон Мирзаев ўртасида мулоқот бўлиб ўтди.
Музокараларда Россия Президентининг Давлат хизмати, кадрлар ва коррупцияга қарши кураш масалалари бошқармаси бошлиғи Максим Травников ҳамда Ўзбекистон Коррупцияга қарши курашиш агентлиги директори Акмал Бурханов ҳам қатнашди.
Учрашув доирасида Россия Президентининг Давлат хизмати, кадрлар ва коррупцияга қарши кураш масалалари бошқармаси ҳамда Ўзбекистон Коррупцияга қарши курашиш агентлиги ўртасида 2026 йил апрель ойида Тошкент шаҳрида имзоланган англашув меморандумини амалга ошириш юзасидан 2026–2027 йилларга мўлжалланган ҳамкорлик режаси имзоланди.
Томонлар давлат хизмати тизимини такомиллаштириш ва коррупцияга қарши кураш соҳасидаги давлат сиёсатининг устувор йўналишлари юзасидан фикр алмашдилар.
Учрашув якунларига кўра, ўзаро манфаатли соҳаларда амалий ҳамкорликни янада изчил ривожлантириш ва қўшма лойиҳаларни биргаликда амалга ошириш бўйича келишувга эришилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Покистон ОАВ: Ўзбекистон технологик бизнес учун минтақада энг қулай хаблардан биридир
“El Mundo Financiero”: Янги Ўзбекистон қишлоқ хўжалигидаги ислоҳотлар фермерлар манфаатларига хизмат қилмоқда
