Хитойнинг қишлоқ хўжалиги соҳасидаги етакчи компанияси ҳамкорлик салоҳиятини ўрганиш учун Ўзбекистонга экспертлар гуруҳини юборади
Март 25, 2026. 10:57 • 2 дақ
• 57
ГУАНЧЖОУ, 25 март. /“Дунё” АА/. Ўзбекистон Бош консулхонаси томонидан Хитойнинг “Wens Foodstuff Group” компанияси президенти Ли Шаосун билан учрашув ташкил этилди, деб хабар бермоқда “Дунё” АА мухбири.
Учрашувда иштирокчиларга Ўзбекистоннинг барқарор ижтимоий-иқтисодий ривожланишининг асосий кўрсаткичлари, қишлоқ хўжалигининг инвестициявий жозибадорлиги, шунингдек, хорижий инвесторлар учун яратилган шарт-шароитлар, имтиёз ва преференциялар ҳақида батафсил маълумот берилди.
Хитой томони мамлакатимизда паррандачилик тармоғини ривожлантиришга қизиқиш билдирди ва ҳудудлардаги мавжуд салоҳиятни ўрганиш учун компания экспертлар гуруҳини юртимизга юборишни режалаштираётганини маълум қилди.
Бундан ташқари, “Паррандасаноат” уюшмаси ва “Wens Foodstuff Group” компанияси вакиллари ўртасида онлайн музокаралар ташкил этилиб, томонлар келгусидаги ҳамкорлик истиқболлари юзасидан фикр алмашди.
“Wens Foodstuff Group” компанияси 1983 йилда ташкил этилган бўлиб, дунёдаги етакчи агросаноат компаниялари қаторига киради. Корхона фаолиятининг асосий йўналишлари паррандачилик ва чорвачилик ҳисобланади. Компания йиллик даромади 21 миллиард доллар, бозор капиталлашуви 17 миллиард долларни ташкил этади. Шунингдек, у 43 мингдан ортиқ кооператив фермер хўжалигини ўзида бирлаштирган ва мамлакат бўйлаб 50 мингдан зиёд ходимга эга.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Барчаси
