СЕУЛ, 25 август. /“Дунё” АА/. Жанубий Кореянинг “Bomi E&C” компанияси раиси Ким Док Ёнг мамлакатимиз мустақиллигининг 35 йиллиги арафасида “Дунё” АА орқали юртдошларимизга ўзининг самимий табриги ва эзгу тилакларини йўллади.

– Компаниямиз ва шахсан ўз номимдан Ўзбекистон халқини мустақилликнинг 35 йиллиги билан самимий муборакбод этаман.

Истиқлол йилларида Ўзбекистон Марказий Осиёнинг жадал ривожланаётган давлатларидан бирига айланди. Айниқса, сўнгги йилларда Янги Ўзбекистонни барпо этиш борасида иқтисодиётни модернизация қилиш, тадбиркорликни ривожлантириш, хорижий инвестицияларни жалб этиш ва аҳоли фаровонлигини оширишга қаратилган кенг кўламли ислоҳотлар амалга оширилмоқда.

Юртингизда фаолият юритаётган корейс тадбиркори сифатида мамлакатнинг хорижий инвесторлар учун очиқлиги, ишбилармонлик муҳитини такомиллаштириш ва халқаро шериклик учун янги имкониятларни алоҳида таъкидлайман.

“Bomi E&C” компанияси учун Ўзбекистон билан ҳамкорлик алоҳида аҳамиятга эга. Компаниямиз фаолияти, хусусан, Фарғона вилоятидаги эко-сити лойиҳаларида иштирок этиши бизга нафақат ишбилармонликни ривожлантириш, балки технологик модернизация жараёнларида бевосита қатнашиш, замонавий ишлаб чиқариш қувватларини яратиш ва малакали кадрлар тайёрлашга ҳисса қўшиш имконини бермоқда.

Ўзбекистонда юқори технологияли ишлаб чиқариш, интеллектуал таълим, рақамли ечимлар ва инновацион технологияларни ривожлантириш учун яратилаётган имкониятларни юксак баҳолаймиз. Иқтидорли ва ғайратли ёшларингиз мамлакат тараққиётида асосий ресурс сифатида меҳнат қилмоқда.

Мустақилликнинг 35 йиллиги мамлакатнинг янада гуллаб-яшнаши, улкан бунёдкорлик ишларини амалга ошириш йўлида янги босқич бўлсин.

Жанубий Корея ва Ўзбекистон ўртасидаги дўстлик ва стратегик шериклик муносабатлари янада кенгайишини тилайман.