ТОШКЕНТ, 1 май. /“Дунё” АА/. Ўзбекистон ташқи ишлар вазири Бахтиёр Саидов бугун Япония ташқи ишлар вазири ўринбосари Арфия Эри билан учрашди, деб хабар бермоқда “Дунё” АА мухбири.

“Япония ташқи ишлар вазири ўринбосари Арфия Эри хоним билан мазмунли учрашув ўтказдик, – деб ёзди Ўзбекистон ТИВ раҳбари ўзининг telegram-каналида. – Суҳбатимиз давомида кенгайтирилган стратегик шерикликни изчил ривожлантириш масалаларини муҳокама қилиб, олий даражадаги ташрифда эришилган келишувларни амалий натижаларга айлантириш бўйича аниқ чораларни белгилаб олдик.

“Марказий Осиё + Япония” мулоқоти доирасида “яшил” тараққиёт, савдо-иқтисодий алоқаларни чуқурлаштириш йўналишларида ҳамкорликни кенгайтиришни устувор вазифа сифатида қайд этдик.

Япония билан ўзаро ишончга асосланган, узоқ муддатли ва барқарор ҳамкорликни янада мустаҳкамлашга тайёрмиз”.

“Дунё” АА олган сурат