Остона ва Самарқанд ўртасида авиарейс сони кўпаяди
Январ 22, 2026. 16:54 • 36 сония
• 86
ОСТОНА, 22 январь. /“Дунё” АА/. “Qazaq Air” авиакомпанияси Остонадан Самарқандга парвозлар сонини ҳафтасига икки мартадан учтага оширади, деб хабар бермоқда “Дунё” АА мухбири “inbusiness.kz” ахборот агентлигига таяниб.
Қайд этилишича, 2026 йил 4 мартдан бошлаб авиакомпания Остона–Самарқанд–Остона йўналиши бўйича қўшимча рейсни йўлга қўймоқда. Жума ва якшанба кунлари амалга ошириладиган парвозларга чоршанба кунги парвозлар қўшилади.
Остона – Самарқанд йўналиши бўйича авиачипталар нархи 30 366 тенге (721 192,5 сўм) дан бошланади.
“Qazaq Air” авиакомпанияси 2025 йил ноябрь ойидан бошлаб Қирғизистон ва Ўзбекистонга мунтазам халқаро рейсларни амалга ошириб келмоқда. Шу даврда ушбу йўналишларда қарийб 4,5 минг йўловчи ташилган. Қўшимча рейсларнинг йўлга қўйилиши барқарор талаб билан боғлиқ.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Барчаси
