ТОШКЕНТ, 6 июль. /“Дунё” АА/. Президент Шавкат Мирзиёев бугун телефон орқали мулоқотда Қозоғистоннинг биринчи Президенти Нурсултон Назарбоевни таваллуд куни билан самимий табриклаб, унга мустаҳкам соғлиқ, бахт-саодат ва узоқ умр тилади, деб хабар бермоқда “Дунё” АА мухбири.

Давлатимиз раҳбари матбуот хизмати маълумотига кўра, Ўзбекистон Президенти Нурсултон Назарбоевнинг замонавий Қозоғистоннинг барпо этилиши, Марказий Осиёда минтақавий ҳамкорликни илгари суриш ҳамда Ўзбекистон – Қозоғистон стратегик шериклик ва иттифоқчилик муносабатларини мустаҳкамлашга қўшган улкан ҳиссасини алоҳида эътироф этди.

Ўзбекистон билан Қозоғистон ўртасидаги мустаҳкам дўстлик, яхши қўшничилик ва ўзаро кўмак ришталарига асосланган кўп қиррали ҳамкорликнинг бугун юқори суръатда ривожланиб бораётгани мамнуният билан қайд этилди.

Ўзбекистон Президенти матбуот хизмати архивидан олинган сурат