Ўзбекистон Президенти Самарқандда АҚШнинг активларни бошқариш бўйича компанияси раҳбарини қабул қилди
Октябрь 19, 2026. 18:15 • 2 дақ
• 85
ТОШКЕНТ, 19 октябрь. /“Дунё” АА/. Ўзбекистон Президенти Шавкат Мирзиёев бугун Самарқанд шаҳрида “Franklin Templeton” компанияси президенти ва бош ижрочи директори Женни Жонсонни қабул қилди, деб хабар бермоқда “Дунё” АА мухбири.
Давлатимиз раҳбари матбуот хизмати маълумотига кўра, учрашувда йирик давлат корхоналарини трансформация қилиш бўйича амалга оширилаётган ишларнинг дастлабки натижалари кўриб чиқилди.
Лондон ва Тошкент биржаларида Ўзбекистон Миллий инвестиция жамғармаси акцияларининг жойлаштирилиши мамлакатимиз тарихидаги илк халқаро IPO бўлгани таъкидланди. Бунинг ҳисобига қарийб 700 миллион доллар маблағ жалб этилди, талаб таклифга нисбатан тўрт баравардан зиёдга ошди.
Кейинги босқичда жамғарма портфелидаги компанияларни трансформация қилиш орқали аҳоли фаровонлигини ошириш, хизматлар ишончлилиги ва сифатини яхшилаш кўзда тутилгани қайд этилди. Кейинги акцияларни жойлаштириш жараёнларида фуқароларнинг иштирокини кенгайтириш муҳимлиги кўрсатиб ўтилди.
Йирик компанияларни IPOга тайёрлаш, уларнинг бошқарув кадрларининг малакасини ошириш ҳамда компаниянинг Тошкент халқаро молия маркази фаолиятида иштирок этиши билан боғлиқ масалалар кўриб чиқилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон Президенти Самарқандда АҚШнинг “Traxys” компанияси бош ижрочи директорини қабул қилди
Ўзбекистон Президенти Самарқандда дунёда локомотивлар, темир йўл техникаси, рақамли ва сервис ечимларини ишлаб чиқарувчи етакчи Америка компанияси раҳбарини қабул қилди
Ўзбекистон Президенти Самарқанд шаҳрида Тожикистон ташқи ишлар вазирини қабул қилди
Ўзбекистон Президенти Самарқанд шаҳрида Қирғизистон ташқи ишлар вазирини қабул қилди
