ЖЕНЕВА, 6 июнь. /“Дунё” АА/. Ўзбекистонда болаларни зўравонлик ва замонавий рақамли таҳдидлардан ҳимоя қилишни кучайтиришга қаратилган янги қонунчилик чора-тадбирлари тақдим этилди, деб хабар бермоқда “Дунё” АА мухбири Швейцариянинг “Diva International” электрон журналига таяниб.

2026 йил 17 апрелдаги “Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги қонун билан Жиноят ва Маъмурий жавобгарлик тўғрисидаги ҳамда Жиноят-процессуал кодексларига ўзгартиришлар киритилди.

Ушбу ҳужжатга кўра, вояга етмаганлар иштирокидаги порнографик материалларни, жумладан рақамли муҳитда сақлаганлик ва тарқатганлик учун жавобгарликни кучайтиришни назарда тутувчи бандларга ўзгартириш киритилди.

Шунингдек, қонун тергов ҳаракатларида иштирок этадиган болалар учун процессуал кафолатларни, хусусан, қонуний вакилларнинг мажбурий иштироки ва сўроқ муддатини чеклаш кучайтирилмоқда.

Таъкидланишича, янги нормалар халқаро стандартларга асосланган бўлиб, профилактика, ҳуқуқий ҳимоя ва ҳуқуқни муҳофаза қилувчи органлар билан мулоқотда психологик юкни камайтиришни ўз ичига олган болаларни ҳимоя қилишнинг комплекс тизимини шакллантиришга қаратилган.