ТОШКЕНТ, 29 август. /“Дунё” АА/. Мамлакатимиз мустақиллигининг 35 йиллигига бағишланган тантаналарда иштирок этган Туркиянинг элчиси Уфук Улуташ “Дунё” АА орқали Ўзбекистон халқини мустақиллик шодиёнаси билан қутлади:

- Бугун Ўзбекистон мустақиллигининг 35 йиллигини нишонламоқдамиз. Барча Ўзбекистон халқини табрикламоқчиман. 35 йиллик мустақиллик ҳақида гапиряпмиз, лекин 3000 йиллик давлатичилик анъанаси ҳақида ҳам сўз бормоқда. Ўзбекистон ҳам, замонавий Ўзбекистон ҳам ана шу 3000 йиллик давлатичилик анъанаси замирида қад ростламоқда. Ушбу 3000 йиллик давлатичилик анъанасини у Туркия билан ҳам баҳам кўради. Маълумки, бу ер барчамизнинг ата юртимиздир. Тарихимиз бир, тилимиз ва маданиятимиз бир. Шу сабабдан Туркия халқи Ўзбекистон мустақиллигидан дунёда энг кўп қувонган халқдир.

Бугун аслида 35 йиллик тарих айтилаётгандек бўлди, лекин таъкидлаганимдек, аслида 3000 йиллик тарих сўзланди. Ва 35 йил ичида балки 100 йилда бажарилиши мумкин бўлган ишлар амалга оширилганига бугун гувоҳ бўлдик. Президент Шавкат Мирзиёев томонидан бажарилган ишлар ҳақиқатдан ҳам жуда улкан. Ҳар бир жабҳада - таълимдан тортиб иқтисодиётгача, ташқи сиёсатдан савдо-сотиққача - барча соҳаларда оламшумул ривожланишга эришилди. Биз Туркия сифатида, Ўзбекистоннинг қардош мамлакати сифатида бу тараққиётдан жуда мамнунмиз. Муваффақиятлар тилаймиз. Аллоҳ бу зафарларни бардавом қилсин, иншоаллоҳ. Саломат бўлинг.