ОСТОНА, 21 июль. /“Дунё” АА/. Ўзбекистоннинг Қозоғистондаги элчихонасида “Остона” дипломатик клуби президенти Қайирболат Сахметов билан учрашув бўлиб ўтди, деб хабар қилмоқда “Дунё” АА мухбири.

Мулоқот чоғида Ўзбекистон ва Қозоғистон ўртасидаги савдо-иқтисодий ва сармоявий ҳамкорликни янада ривожлантириш, икки мамлакат ишбилармон доиралари ўртасидаги бевосита алоқаларни кенгайтириш ҳамда қўшма бизнес тадбирларини ташкил этиш масалалари муҳокама қилинди.

Шунингдек, учрашувда жорий йилнинг кузида Эстониянинг циркуляр иқтисодиёт, чиқиндиларни бошқариш ва қайта ишлаш соҳаларида фаолият юритувчи етакчи компаниялари бизнес-миссиясининг Ўзбекистонга ташрифини уюштириш масалалари кўриб чиқилди.