Ўзбекистон ва Россия ўртасида коррупцияга қарши курашиш бўйича ҳамкорлик дастури имзоланди
Сентябрь 24, 2026. 22:00 • 2 дақ
• 127
ТОШКЕНТ, 24 сентябрь. /“Дунё” АА/. Россиянинг етакчи оммавий ахборот воситаларида Ўзбекистон Коррупцияга қарши курашиш агентлиги директори Акмал Бурҳонов ва Россия бош прокурори Александр Гуцан ўртасидаги музокаралар кенг ёритилди, деб хабар бермоқда “Дунё” АА мухбири.
Хусусан, “Взгляд”, “Известия”, “Интерфакс” нашрларида мазкур музокаралар жараёнида идоралар ўртасида 2027–2028 йилларга мўлжалланган ҳамкорлик дастури имзолангани хусусида маълумот берилган.
“Взгляд”нинг ёзишича, ҳамкорлик дастури коррупциянинг олдини олиш, хавфларни аниқлаш учун рақамли воситаларни жорий этиш, коррупцияга қарши маданиятни ривожлантириш, илмий ва таълим фаолиятида тажриба алмашишни ўз ичига олади.
Александр Гуцаннинг таъкидлашича, янги ҳужжат икки давлат идораларининг мунтазам ва аниқ ўзаро ҳамкорлигини таъминлашга хизмат қилади.
“Известия”нинг қайд этишича, Тошкентнинг халқаро майдондаги ўрни тобора ортиб бораётгани мамлакатда амалга оширилаётган кенг кўламли ислоҳотлардан далолат беради.
Маълум қилинишича, 2027 йилда Ўзбекистон БМТнинг Коррупцияга қарши курашиш конференциясининг 12-сессиясига мезбонлик қилади ва Россия томони ушбу тадбирда фаол иштирок этишга тайёрлигини билдирган.
“Интерфакс”да идоралар ўртасидаги ҳамкорлик фаол ривожланаётгани ва коррупцияга қарши курашишда рақамли технологиялардан фойдаланиш бўйича қўшма лойиҳалар амалга оширилиши қайд этилган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Навоий давлат университети ўқитувчилари Хитойда қишлоқ хўжалиги соҳаси бўйича малака оширди
Ўзбекистон Миллий кутубхонаси ва Гуанчжоу кутубхонаси ўртасида ҳамкорлик тўғрисида битим имзоланди
Ўзбекистон ва Россиянинг Приморск ўлкаси ўртасида маданий алоқалар кенгайтирилади
