АШХОБОД, 23 февраль. /“Дунё” АА/. 20 февраль куни Ашхобод шаҳрида Дипломатик ходимлар куни муносабати билан халқаро конференция ўтказилди, деб хабар қилмоқда “Дунё” АА мухбири.

Тадбирда Туркманистондаги дипломатик идоралар вакиллари, олий таълим муассасалари профессор-ўқитувчилари ва талабалар ҳамда оммавий ахборот воситалари ходимлари иштирок этди.

Конференцияда касб байрамига бағишланган махсус кўргазма ташкил этилди. Кўргазмада Ўзбекистон элчихонаси дипломатлари мамлакатимиз бой тарихи ва маданиятини ҳамда улкан туризм салоҳиятини акс эттирувчи экспозицияларни намойиш қилди.

Туркманистон Вазирлар Маҳкамаси раиси ўринбосари, ташқи ишлар вазири Рашид Мередов Ўзбекистон стендни юқори баҳолаб, намойиш этилган китоблар ва ўзбек миллий санъати намуналари билан танишиб чиқди.

Тантанали тадбирлар Туркманистон Ташқи ишлар вазирлиги Халқаро муносабатлар институти талабалари томонидан тайёрланган концерт дастури билан якунланди.