ТОШКЕНТ, 20 август. /“Дунё” АА/. Ўзбекистон ташқи ишлар вазири ўринбосари Мирвоҳид Азимов бугун Денгизга чиқиш имкониятига эга бўлмаган ривожланаётган мамлакатлар бўйича халқаро таҳлилий марказ ижрочи директори Дулгуун Дамдин-Од билан учрашув ўтказди, деб хабар бермоқда “Дунё” АА мухбири.

ТИВ маълумотига кўра, учрашувда Марказ ва Ўзбекистоннинг таҳлилий, тадқиқот марказлари ўртасидаги турли соҳалардаги ҳамкорликка ижобий баҳо берилди ва қўшма тадбирлар ўтказиш юзасидан фикр алмашилди.

Томонлар олдинда турган турли ҳамкорлик режаларини мамнуният билан қайд этиб, яқиндан ҳамкорликни давом эттиришга келишиб олди.

“Дунё” АА олган сурат