МИНСК, 5 октябрь. /“Дунё” АА/. Беларусь пойтахтида МДҲга аъзо мамлакатлар Савдо-саноат палаталари раҳбарлари кенгашининг навбатдаги йиғилиши бўлиб ўтди, деб хабар бермоқда “Дунё” АА мухбири.

Тадбирда иштирокчи давлатлар ўртасидаги иқтисодий шерикликни янги босқичга кўтариш ва ўзаро товар айирбошлаш ҳажмини ошириш масалалари муҳокама қилинди.

Мулоқот давомида томонлар савдо алоқаларини кенгайтириш, бозордаги тўсиқларни бартараф этиш, маҳсулот етказиб бериш занжирларини енгиллаштириш бўйича фикр-мулоҳаза алмашди.

Учрашувда давлатлар ўртасида ишлаб чиқариш соҳасидаги узвий боғлиқликни кенгайтириш, биргаликда хомашёни қайта ишлаш, рақамли тижорат ва инфратузилмани ривожлантиришга қаратилган янги инвестициявий дастурларни ишга туширишга алоҳида эътибор қаратилди.

Музокаралар якунида МДҲ ҳудудида тадбиркорлик муҳитини яхшилаш ва ишбилармонлар ўртасида тўғридан-тўғри алоқаларни йўлга қўйиш бўйича келишувларга эришилди.