“Синьхуа” АА: Хитойдан Ўзбекистонга 1700 бошдан ортиқ қорамол етказиб берилган
Август 03, 2026. 17:30 • 2 дақ
• 21
ТОШКЕНТ, 3 август. /“Дунё” АА/. Хитой Шимоли-Ғарбидаги Учжун шаҳридан Ўзбекистонга 478 бош йирик шохли қорамол экспорт қилинди, деб хабар бермоқда “Дунё” АА мухбири.
Хитойнинг “Синьхуа” ахборот агентлиги маълумотига кўра, 2025 йил ноябрь ойидан буён Учжун шаҳри Ўзбекистонга жами 1 минг 700 бошдан ортиқ йирик шохли қорамол етказиб берди, уларнинг аксарияти соғин сигирлар.
Маҳаллий ҳокимият органларининг маълум қилишича, барча экспорт ветеринария-санитария талабларига тўлиқ жавоб беради. Ҳар бир ҳайвонга дезинфекция ва иммунизация тўғрисидаги ҳужжатлар ҳамда карантин сертификати илова қилинган.
Учжун шаҳар Қишлоқ хўжалиги ва қишлоқ ишлари бошқармаси шаҳарнинг Ўзбекистонга соғин сигирларни экспорт қилишдаги асосий афзалликларини маълум қилди. Маҳаллий соғин сигирлар юқори маҳсулдорлик ва аъло даражадаги генетик сифатга эга.
Шаҳар узоқ вақтдан бери эпизоотик касалликларнинг олдини олиш ва уларга қарши курашиш бўйича юқори стандартларни сақлаб келмоқда.
Бундан ташқари, Учжун ва Марказий Осиё мамлакатлари ўхшаш иқлим шароитларига эга. Бу ерда парвариш қилинган соғин сигирлар Марказий Осиёдаги табиий муҳит ва озуқа таъминоти шароитларига яхшироқ мослашган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон Миллий телерадиокомпанияси ва "BBC Media Action" ўртасида ҳамкорлик меморандуми имзоланди
Ўзбекистон ва Норвегия рақамли хизматларини Скандинавия, Европа, АҚШ IT-бозорига экспорт қилиш имконияти кўриб чиқилди
Минскда Бухоро вилоятининг Беларусь ҳудудлари билан ҳамкорлигининг истиқболли йўналишлари кўриб чиқилди
