МОГИЛЁВ, 1 август. /“Дунё” АА/. Бухоро вилояти ҳокими Ботир Зарипов бошчилигидаги Ўзбекистон делегацияси Беларуснинг Могилёв вилояти ижроия қўмитаси раиси Анатолий Исаченко билан учрашув ўтказди, деб хабар бермоқда “Дунё” АА мухбири.

Учрашувда Бухоро ва Могилёв вилоятлари ўртасидаги ҳудудлараро ҳамкорликни янада ривожлантириш истиқболлари муҳокама қилинди.

Музокаралар чоғида қишлоқ хўжалиги, озиқ-овқат саноати, енгил саноат ҳамда туризм соҳаларида ўзаро ҳамкорликни кенгайтириш масалаларига алоҳида эътибор қаратилди.

Мулоқот якунида томонлар ўзаро манфаатли йўналишларда амалий ҳамкорликни кенгайтириш ва қўшма ташаббусларни изчил амалга ошириш юзасидан келишувга эришдилар.