“Традиция” журнали: Россия сайёҳларининг Ўзбекистонга қизиқиши ортиб бормоқда
Июль 19, 2026. 13:20 • 2 дақ
• 130
САНКТ-ПЕТЕРБУРГ, 19 июль. /“Дунё” АА/. Россиянинг оммабоп “Традиция” журналида Ўзбекистон ва Россия ўртасидаги туризм соҳасидаги ҳамкорлик ҳамда юртимизнинг бой сайёҳлик салоҳиятига бағишланган мақола эълон қилинди, деб хабар бермоқда “Дунё” АА мухбири.
Мақолада икки давлат раҳбарларининг учрашуви чоғида имзоланган “Йўл харитаси” ҳамда Тошкентда бўлиб ўтган Туризм бўйича кичик комиссиянинг учинчи йиғилиши натижаларига алоҳида тўхталиб ўтилган.
Келтирилган маълумотларга кўра, 2025 йил якунлари бўйича Россиянинг 984 мингдан ортиқ фуқароси юртимизга ташриф буюрган. Ўзбекистон россиялик саёҳатчилар учун энг оммабоп йўналишлардан бирига айлангани тил тўсиғининг йўқлиги, қулай парвозлар, юқори сервис ҳамда ноёб маданий мерос билан изоҳланган.
Шунингдек, ЮНЕСКОнинг Бутунжаҳон мероси рўйхатига киритилган Бухоро ҳақида алоҳида сўз юритилган. Минораи Калон, Сомонийлар мақбараси, Арк қалъаси, Лаби Ҳовуз каби обидаларнинг тарихий аҳамияти кенг ёритилган.
Шаҳарнинг асрий меъморий қиёфасини сақлаб қолиш ва инфратузилмасини ривожлантириш борасида олиб борилаётган ишларга юқори баҳо берилган.
Мақола якунида хорижлик меҳмонлар учун Бухорога саёҳат қилишнинг энг қулай ва тезкор йўли “Uzbekistan Airways” миллий авиакомпаниясининг тўғридан-тўғри парвозлари экани қайд этилган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
“Finančné Noviny” газетаси: Тошкент халқаро молия маркази Ўзбекистоннинг хорижий бизнес учун жозибадорлигини оширади
Губернатор Эуженио Жани: Ўзбекистон билан шерикликни ривожлантириш алоҳида стратегик аҳамият касб этмоқда
