Ўзбекистон Президенти Сеулда Корея Республикаси Миллий Ассамблеяси Спикери билан учрашди
Сентябрь 15, 2026. 09:35 • 2 дақ
• 199
ТОШКЕНТ, 15 сентябрь. /“Дунё” АА/. Ўзбекистон Президенти Шавкат Мирзиёев Корея Республикасига давлат ташрифи доирасида бугун Корея Республикаси Миллий Ассамблеяси спикери Чо Чжон Шик билан учрашув ўтказди, деб хабар бермоқда “Дунё” АА мухбири.
Давлатимиз раҳбари матбуот хизмати маълумотига кўра, Ўзбекистон – Жанубий Корея алоҳида стратегик шериклик муносабатларини илгари суришда икки мамлакат парламентлари муҳим ўрин тутаётгани таъкидланди.
Парламентлараро “дўстлик гуруҳлари” фаол иш олиб бормоқда, парламент делегацияларининг мунтазам ташрифлари амалга оширилмоқда, қонун чиқарувчи органларнинг тегишли қўмиталари ўртасида самарали тажриба алмашинуви йўлга қўйилган.
Миллий Ассамблея ва Корея халқаро ҳамкорлик агентлиги кўмагида Ўзбекистон Олий Мажлисининг иккала палатасида “Электрон парламент” лойиҳаси амалга оширилмоқда.
Олий даражада эришилган, энг аввало, савдо-иқтисодий, инвестициявий ва маданий-гуманитар алоқаларни кенгайтириш бўйича келишувларнинг амалга оширилиши устидан парламент мониторингини таъминлаш мақсадида ўзаро ҳамкорлик механизмини яратиш зарурлиги таъкидланди.
Учрашув якунида 2027 йилда Ўзбекистон ва Жанубий Корея ўртасида дипломатик муносабатлар ўрнатилганининг 35 йиллиги муносабати билан “парламент дипломатияси” йўналишида бир қатор тадбирлар ўтказишга келишиб олинди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Олий даражадаги Ўзбекистон – Жанубий Корея музокаралари якунида икки томонлама ҳужжатларнинг салмоқли ҳужжатлар тўплами қабул қилинди
Ўзбекистон ва Жанубий Корея Президентлари алоҳида стратегик шерикликни янги босқичга олиб чиқишга тайёрлигини тасдиқладилар
