ЗАГРЕБ, 21 май. /“Дунё” АА/. Ўзбекистон Президентининг ташқи сиёсат бўйича маслаҳатчиси Абдулазиз Камилов бошчилигидаги делегация Хорватияга ташриф буюрди, деб хабар бермоқда “Дунё” АА мухбири.

Ташриф доирасида Хорватия ташқи ва Европа ишлари вазири Гордан Грлич-Радман билан учрашув бўлиб ўтди ва унда икки томонлама ҳамкорликни фаоллаштириш масалалари муҳокама қилинди.

Хорватия ТИВ раҳбари Загреб Ўзбекистонни Марказий Осиёдаги энг ишончли ва истиқболли шериклардан бири сифатида кўришини алоҳида таъкидлади.

Шу билан бирга, учрашувда мамлакатлар ўртасида ҳамкорликни, аввало, савдо-иқтисодий соҳада кенгайтириш учун катта салоҳият мавжудлиги ва томонлар уни изчил амалга ошириш ниятида экани қайд этилди.