Ўзбекистон ва Гуанчжоу санъат музейлари ўртасида ҳамкорлик йўлга қўйилади
Август 26, 2026. 08:55 • 57 сония
• 182
ГУАНЧЖОУ, 26 август. /“Дунё” АА/. Ўзбекистон Бош консулхонаси дипломатлари Гуанчжоу санъат музейи директори Ло Ци билан учрашди, деб хабар бермоқда “Дунё” АА мухбири.
Мулоқотда Гуанчжоу санъат музейи ҳамда Ўзбекистон давлат санъат музейи ўртасида тўғридан-тўғри институционал ҳамкорликни йўлга қўйиш масалалари муҳокама қилинди. Хусусан, қўшма кўргазмалар, маданий-маърифий тадбирлар ва илмий-амалий семинарларни ташкил этиш бўйича таклифлар билдирилди.
Томонлар музей коллекцияларини сақлаш ва бошқариш, санъат асарларини реставрация ва консервация қилиш, музей фаолиятини рақамлаштириш, электрон каталоглар ҳамда рақамли коллекциялар яратиш йўналишларида тажриба алмашиш муҳимлигини қайд этди.
Учрашув якунида икки музей ўртасида мунтазам онлайн мулоқотларни йўлга қўйиш, соҳадаги мутахассислар алмашинувини ташкил этиш ва келгусида қўшма лойиҳаларни амалга ошириш бўйича келишувга эришилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон ва Польша киберхавфсизлик соҳасида қўшма таълим ва тадқиқотларни йўлга қўяди
Покистон компанияси Хива шаҳрида “ақлли шаҳар” лойиҳасини амалга ошириш жараёнини бошлади
Қошғардаги халқаро кўргазмада Ўзбекистоннинг экспорт ва инвестиция салоҳияти намойиш этилди
