ТОШКЕНТ, 26 июль. /"Дунё" АА/. Португалиянинг Монтемор-о-Велю шаҳрида байдарка ва каноэда эшкак эшиш бўйича U-18 ва U-23 ёш тоифасидаги жаҳон чемпионати ўтказилмоқда, деб хабар қиляпти "Дунё" АА мухбири.

Миллий Олимпия қўмитаси маълумотига кўра, унда қатнашаётган Ўзбекистон терма жамоаси дастлабки медалини қўлга киритди.

U-23 ёш тоифасида 1000 метр масофага кечган байдаркачилар баҳсида иштирок этган ҳамюртимиз Арина Танатмишева марра чизиғини иккинчи бўлиб етиб келди. Якунда Арина жаҳон чемпионатининг кумуш медалга сазовор бўлди.