ТОШКЕНТ, 17 июль. /"Дунё" АА/. Кеча Германиянинг Рейн-Рур шаҳрида XXXII Бутунжаҳон ёзги Универсиада ўйинлари старт олди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, 119 давлатдан 5100 нафардан ортиқ спортчи иштирок этадиган мазкур мусобақада Ўзбекистон делегацияси ҳам қатнашяпти.

Ўзбекистон делегацияси бу галги Универсиада ўйинларида 11 спорт турида 18 та олий таълим муассасаларида таҳсил олувчи 53 нафар спортчи билан иштирок этади.

Бугун спортчиларимиз сузиш, теннис, бадиий гимнастика ва сувга сакраш бўйича баҳсларда ўз иштирокини бошлайди. 

Беллашувлар Германиянинг 6 та шаҳрида ташкил этилиши белгиланган. Дастурга кўра, кеча Дуйсбург шаҳрида тантанали очилиш маросими ўтказилди.