ТОШКЕНТ, 16 июнь. /"Дунё" АА/. Жорий йилнинг 26 июнь – 2 июль кунлари Тошкент шаҳрида U-15 ва U-19 ёшли спортчилар ўртасидаги Осиё чемпионати бўлиб ўтади, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, ушбу турнирда Ўзбекистон, Хитой, Япония, Корея Республикаси, Ҳиндистон, Эрон, Қозоғистон каби 22 давлатдан 400 нафардан ортиқ ёш стол тенниси усталари баҳс олиб боради.

Ҳозирда юртимиз спортчилари ҳам бўлажак баҳсларга қизғин ҳозирлик кўрмоқда.

Баҳслар пойтахтимиздаги "Ҳумо арена"да ташкил этилади.