ИСТАНБУЛ, 26 октябрь. /«Дунё» АА/. Ўзбекистон Бош консулхонаси ходимлари Туркиянинг Эдирне ва Киркларели депортация марказларида бўлиб турган ватандошлар билан мулоқот қилдилар, деб хабар қилмоқда «Дунё» АА мухбири.

Ташриф давомида Туркияда миграция қонунчилиги талабларини бузганлиги сабабли мазкур марказларда вақтинча сақланаётган ватандошларга консуллик-ҳуқуқий ёрдам кўрсатилди. Уларнинг яшаш, маданий ҳордиқ чиқариши, яқинлари билан мулоқот қилиши учун яратилган шароитлар ўрганилди.

Ҳамюртларимизни оиласи бағрига қисқа фурсатларда қайтариш юзасидан барча амалий чоралар кўрилиши таъкидланди.