ТOШКЕНТ, 13 декабрь / “Дунё” AA/. Тошкент Халқаро шахмат академиясида Ўзбекистон ташқи ишлар вазири кубоги учун тезкор шахмат турнири бўлиб ўтмоқда, деб хабар қилмоқда “Дунё” АА мухбири.

Мусобақалар Ташқи ишлар вазирлиги томонидан Ўзбекистон Шахмат федерацияси билан ҳамкорликда, ТИВ ходимлари, шунингдек, мамлакатимизда аккредитациядан ўтган хорижий давлатларнинг дипломатик ваколатхоналари ва халқаро ташкилотлар ходимлари иштирокида ўтказилмоқда. Турнир норасмий мулоқот, ўзаро тушунишни мустаҳкамлаш ва дипломатик корпус вакиллари ўртасида шериклик алоқаларини ривожлантириш учун майдон бўлиб хизмат қилади.

Тадбир шахматни интеллектуал спорт тури сифатида оммалаштиришга, соғлом ва фаол турмуш тарзи маданиятини шакллантиришга, шунингдек, жамоавий спорт турларини ривожлантириш бўйича ташаббусларни қўллаб-қувватлашга қаратилган.