ЛЮБЛЯНА, 6 июнь. /"Дунё" АА/. Ўзбекистон элчиси Ойбек Шахавдинов (қароргоҳи Будапешт шаҳрида жойлашган) Словения олий таълим, фан ва инновациялар вазири Игорь Папич билан учрашди, деб хабар қилмоқда "Дунё" АА мухбири.

Вазир Игорь Папич мулоқот авалида Ўзбекистон Президентининг 2025 йил 21-22 май кунлари Словенияга буюрган расмий ташрифи чоғида эришилган келишувларни тўлиқ амалга оширишга қатъий содиқлигини таъкидлади.

Шунингдек, Словения томони ҳамкорликнинг устувор йўналишлари, жумладан, академик алмашинув, тил дастурларини ишлаб чиқиш, шунингдек, таълим ва кадрлар тайёрлаш соҳасида қўшма ташаббусларни амалга ошириш бўйича фаол ҳамкорликка тайёрлигини тасдиқлади.

Икки давлатнинг тегишли идоралари ва олий ўқув юртлари ўртасидаги ҳамкорликни мустаҳкамлашга қаратилган қатор амалий қадамлар бўйича келишувга эришилди.

Томонлар кейинги ҳаракатларни мувофиқлаштириш мақсадида икки томонлама мулоқотни давом эттиришга келишиб олдилар.