МАСКАТ, 13 март. /"Дунё" АА/. Ўзбекистон элчиси Абдусалом Хатамов Ўмоннинг "Salam Air" авиакомпанияси раҳбари Ахмед аль-Шидхани ва мазкур компаниянинг халқаро алоқалар бўйича бош директори Мазен аль-Салмани билан учрашув ўтказди, деб хабар қилмоқда "Дунё" АА мухбири.

Мулоқот чоғида Ўзбекистон ва Ўмон ўртасидаги алоқаларни янада ривожлантириш, хусусан икки мамлакатни тўғридан-тўғри авиақатновлар орқали боғлаш масалалари муҳокама қилинди.

Томонлар икки мамлакат ўртасида ҳаво қатновларининг йўлга қўйилиши ўзаро савдо-иқтисодий ва сайёҳлар оқимининг ошишига хизмат қилишини таъкидладилар. 

Музокаралар якунида "Salam Air" авиакомпанияси раҳбарияти ва  Ўзбекистондаги йирик сайёҳлик компаниялари вакиллари иштирокида ўзаро ҳамкорлик истиқболларини муҳокама қилиш мақсадида онлайн учрашув ташкил этиш тўғрисида келишиб олинди.