ПЕКИН, 13 февраль. /"Дунё" АА/. Ўзбекистон элчиси Фарҳод Арзиев Хитой жамоат хавфсизлиги вазирининг ўринбосари – Давлат миграция хизмати раҳбари Сюй Ганлу билан учрашди, деб хабар бермоқда "Дунё" АА мухбири.

Мулоқот давомида сўнгги йилларда мамлакатимизда турли соҳаларда амалга оширилаётган кенг кўламли ислоҳотларнинг мазмун-моҳияти ҳақида атрофлича маълумот берилди.

Ўзбекистон ва Хитой ўртасида барча соҳаларда муносабатлар жадал ривожланиб бораётгани, бизнес ва туризм алоқалари, таълим алмашинувлари тобора кенгайиб, фуқароларимизнинг ўзаро сафарлари кўпайиб бораётгани қайд этилди.

Миграция масалалари бўйича ҳамкорликнинг муҳим йўналишлари хусусида фикр алмашилди.