ТЕҲРОН, 13 июнь. /"Дунё" АА/. Минтақадаги вазият кескинлашгани муносабати билан Ўзбекистоннинг Эрондаги элчихонаси ушбу мамлакатдаги ватандошларимизга хавфсизлик чораларига қатъий риоя этиш, расмий ва дипломатик миссиянинг расмий хабарларини кузатиб бориш юзасидан мурожаат йўллади, деб хабар бермоқда "Дунё" АА мухбири.

"Эрон атрофидаги вазиятнинг кескинлашиши муносабати билан Ўзбекистон элчихонаси Эрондаги Ўзбекистон фуқароларига хавфсизлик чораларига қатъий риоя қилишни, шунингдек, Эрон ҳукумати ва Ўзбекистон элчихонаси расмий хабарларини мунтазам равишда кузатиб боришни тавсия қилади, – дейилади мурожаатда. – Шахсингизни тасдиқловчи ҳужжатлар ва Ўзбекистон элчихонасининг алоқа маълумотларини доимо ўзингиз билан олиб юринг.

Агар сизга шошилинч ёрдам ёки маслаҳат керак бўлса, Ўзбекистоннинг Теҳрондаги элчихонасига қуйидаги телефонлар орқали мурожаат қилинг:

Фавқулодда ёрдам телефонлари :

 22299780

 22832025

Электрон почта: iri.uzembassy@mfa.uz

Ўзбекистоннинг Эрондаги элчихонаси".