ТОШКЕНТ, 21 июнь. /"Дунё" АА/. Ўзбекистон ташқи ишлар вазири Бахтиёр Саидов Истанбул шаҳрига ташрифи давомида Афғонистон ташқи ишлар вазири вазифасини бажарувчи Мавлавий Амир Хон Муттақий билан учрашди, деб хабар қилмоқда "Дунё" АА мухбири.

"Афғонистон ташқи ишлар вазири вазифасини бажарувчи Мавлавий Амир Хон Муттақий билан самарали суҳбат ўтказдик, – деб ёзди Ўзбекистон ТИВ раҳбари ўзининг telegram-каналида. – Мулоқот чоғида Ўзбекистон–Афғонистон икки томонлама муносабатларининг долзарб мавзуларини муҳокама қилиб, иқтисодий ҳамкорликни мустаҳкамлаш, қўшма инфратузилма ва савдо лойиҳаларини амалга оширишга алоҳида эътибор қаратдик. Ўзбекистон Афғонистоннинг минтақавий ва глобал таъминот тизимларига интеграциялашувини қўллаб-қувватлашга содиқ қолади, бу эса минтақада узоқ муддатли барқарорлик ва изчил тараққиётни таъминлашнинг калитидир".