ТОШКЕНТ, 5 декабрь. /“Дунё” АА/. Ўзбекистон ташқи ишлар вазири Бахтиёр Саидов Вена шаҳрида бўлиб ўтган Европада хавфсизлик ва ҳамкорлик ташкилоти вазирлар кенгашининг 32-йиғилиши доирасида қатор учрашувлар ўтказди, деб хабар бермоқда “Дунё” АА мухбири.

“ЕХҲТ Вазирлар кенгашининг 32-йиғилиши ҳамкасбларимиз билан икки томонлама масалалардан тортиб, минтақавий ва глобал жараёнларгача бўлган турли мавзуларда фикр алмашиш учун самарали майдон вазифасини ўтади, деб ёзди Ўзбекистон ташқи ишлар вазири ўзининг telegram-каналида. – Муҳокамаларимиз, айниқса, глобал кескинлик ва геосиёсий бўлиниш кучайиб бораётган бир пайтда, очиқ мулоқот йўлларини сақлаб қолиш муҳимлигини яна бир бор кўрсатди.

Ҳамкорларимиз билан самарали фикр алмашиш натижасида ёндашувларни таққослаш, устувор йўналишларни келишиб олиш ҳамда хавфсизлик, ўзаро боғлиқлик, barqaror ривожланиш ва бошқа соҳаларда биргаликда ҳаракат қилиш uchun янги истиқболларни ўрганиш имкониятига эга бўлдик”.